Slaq.am-ը շարունակում է «Ինչ կլինե՞ր, եթե…» խորագրով հարցազրույցների շարքը: Մեր զրուցակիցը DJ Վակցինան է: Ստորև ներկայացնում ենք հարցազրույցը.
-Ի՞նչ կլիներ, եթե ծնվեիք օրինակ 18-րդ դարում: Եթե ինքներդ ընտրեիք, ո՞ր ժամանակաշրջանում կուզեիք ծնվել:
– Եթե ես ընտրեի, կցանկանայի ծնվել մեր թվարկությունից առաջ` դինոզավրերի և մամոնտների ժամանակաշրջանում:
– Ի՞նչ կլիներ, եթե ծնված լինեիք ոչ թե տղա, այլ աղջիկ: Կարո՞ղ եք պատկերացնել՝ ինչպես կդասավորվեր Ձեր կյանքը:
– Ես աղջիկ եմ և շատ ուրախ եմ. չար տղա կլինեի:
-Ի՞նչ կլիներ, եթե լինեիք այլազգի, օրինակ՝ գերմանացի, չինացի կամ հնդիկ.. եթե ընտրեիք, ո՞ր երկրի ու ի՞նչ ազգի վրա կկանգնեիք:
-Եթե լինեի այլազգի կամ ընտրելու հնարավորություն ունենայի, կուզեի լինել շվեդ:
-Ի՞նչ կլիներ, եթե ընտրելու հնարավորություն ունենայիք, կընտրեիք մոռանալ անցյա՞լը, թե՞ իմանալ ապագան:
– Հնարավորության դեպքում կընտրեի մոռանալ անցյալը:
-Ի՞նչ կլիներ, եթե հնարավորություն ունենայիք ժամանակը կանգնեցնելու. ո՞ր պահին կկանգնեցնեիք:
– Կկանգնեցնեի մեծ բեմում` հանդիսատեսի դիմաց:
-Ի՞նչ կլիներ, եթե դառնայիք Հայաստանի նախագահ:
– Եթե դառնայի Հայաստանի նախագահ, ոչ թե երկրի վիճակը կլավացնեի, այլ ժողովրդի:
-Ի՞նչ կլիներ, եթե վաղը Ձեզ անծանոթ մի երիտասարդ հրավիրեր սուրճ խմելու:
– Երևի կմերժեի անծանոթին:
– Ի՞նչ կլիներ, եթե լինեիք աշխարհի ամենահարուստ մարդկանցից մեկը:
– Հարստությունն ինձ հաստատ խաղաղություն չէր տա, ու ես նորից պիտի խաղաղություն փնտրեի:
– Ի՞նչ կլիներ, եթե Դուք լինեիք ահաբեկիչ:
– Ես միայն սեքսի մեջ կարող եմ լինել ահաբեկիչ:
– Ի՞նչ կլիներ, եթե իմանայիք, որ վաղն աշխարհի վերջն է: Ո՞րը կլիներ Ձեր վերջին քայլը:
– Եթե վաղն աշխարհի վերջը լիներ, բնության հետ կշփվեի ու բոլորին սեր կտայի:
Հարցազրույցը` Սաթինե Թադևոսյանի:
Աղբյուր՝ www.slaq.am
