Ժամը 22:20-ի սահմաններում Ռուբինյանց փողոցում բախվել են «Porsche Cayenne» մակնիշի՝ 83 AU 333, «Nissan» մակնիշի՝ 33 TL 613, մեկ այլ «Nissan» մակնիշի՝ 02 VV 222 և «ВАЗ 21 08» մակնիշի՝ 67 SU 773 համարանիշի ավտոմեքենաները:
Ինչպես վթարի վայրից հայտնում է ֆոտոլրագրող Գագիկ Շամշյանը, բարեբախտաբար զոհեր և վիրավորներ չկան:
Դեպքի վայր են ժամանել Ճանապարհային ոստիկանության 1-ին սպայական գումարտակի 6-րդ դասակի աշխատակիցները, ովքեր երկար ժամանակ է՝ չեն կարողանում տիրապետել իրավիճակին:
Ըստ տեղեկությունների՝ վթարված ավտոմեքենաներից «ВАЗ 2108»-ը, «Nissan» մակնիշի՝ 33 TL 613 համարանիշի և «Porsche Cayenne» մակնիշի ավտոմեքենաները եղել են կայանված, իսկ մյուս «Nissan» մակնիշի՝ 02 VV 222 համարանիշի ավտոմեքենայի վարորդի հայտարարության համաձայն, երբ ինքը վարելիս է եղել մեքենան, առջևում հայտնվել է հետիոտնը, ով փողոցը փորձել է չթույլատրելի մասով անցնել, և ինքը փորձելով խույս տալ հետիոտնից, ինչից հետո չկարողանալով կառավարել ավտոմեքենան՝ բախվել է կայանված ավտոմեքենաներին:
Կարճ ժամանակում դեպքի վայր է ժամանել «Ռոսգոստրախ» ապահովագրական ընկերության ներկայացուցիչը, իսկ «Porsche Cayenne»-ի ապահովագրական ընկերության ներկայացուցիչը մինչև այս պահը չկա:
Ժամը՝ 00:30-ին բարեհաճեց «մեծն» «Նաիրի Ինշուրանս» ապահովագրական ընկերության ներկայացուցիչը:
shamshyan.com
