Այսօր` փետրվարի 15-ին, «ՄԵՆՔ» երիտասարդական նախաձեռնությամբ տեղի ունեցավ 7-ամյա Հայկին նվիրված բարեգործական համերգ: Ինչպես հայտնում է ֆոտոլրագրող Գագիկ Շամշյանը, համերգը տեղի ունեցավ Երևանի պետական Տիկնիկային թատրոնում, որին ներկա էր նաև 7-ամյա Հայկը, ով տառապում է արյան սուր լեյկոզով: Բժիշկները հետազոտելով երեխային` եկել են այն եզրահանգմանը, որ նրա կյանքը փրկելու համար անհրաժեշտ է արտերկրում կատարել ոսկրածուծի փոխպատվաստում: «ՄԵՆՔ» երիտասարդական նախաձեռնության կոչը այսպիսին է` Միասին փրկենք փոքրիկի կյանքը: Ձեր յուրաքանչյուրիդ լուման կարող է կյանք պարգևել փոքրիկին, ով բուժվելուց հետո որպես ազգի զինվոր պաշտպանելու է մեզ բոլորիս: Ֆոտոլրագրողը հայտնում է, որ բարեգործական միջոցառմանը ելույթ ունեցան «Մասունք», «Նուբար», «Ծովակ», «Սասնա Ծռեր» և այլ ազգագրական երգի ու պարի խմբեր , ինչպես նաև սիրված երգիչներ:
Լուսանկարները` Գագիկ Շամշյանի
