Մայիսի 12-ին, ժամը 12.00-ին ահազանգ է ստացվել, որ Երևանի Ա. Բաբաջանյան փողոցի թիվ 75 շենքի մոտակայքում գտնվող գազալցակայանում տեղի է ունեցել պայթյուն:
Դեպքի վայր են մեկնել չորս մարտական հաշվարկ և ՀՆՓԱԻԿ փրկարար ջոկատը: Պարզվել է, որ Ա. Բաբաջանյան փողոցին հարող տարածքում (թիվ 75 շենքի մոտակայք) գտնվող «Օլիվեստա» ՍՊԸ-ին պատկանող գազալցակայանում «Մերսեդես» մակնիշի 81 ZL 777 պետհամնարանիշի ավտոմեքենայի (վարորդ՝ Գ. Գ., ծնվ. 1991 թ.) վառելիքի լիցքավորման ժամանակ տեղի է ունեցել գազի բալոնի պայթյուն, վնասվել են ավտոմեքենան (ամբողջությամբ) և գազալցակայանի տանիքը (մոտ 3 քմ): Փրկարարները կատարել են ավտոմեքենայի հովացման աշխատանքներ, հանել են մարտկոցը, կատարել տարածքի լվացման աշխատանքներ:

news.am